Өчүүхэн төдий тайвшрахад л хүч буурдаг юм.

*        *        *

Эрэгтэй эмэгтэй хүмүүсийн хооронд л цорын ганц үнэн сэтгэлийн, бат бэх нөхөрлөл оршино. Учир нь энэ бол ямарваа өрсөлдөөнөөс ангид цорын ганц хэлхээ юм.

*        *        *

Хүмүүсийн, нөхөрлөл гэж энийнээр нэрлэдэг тэр зүйл нь мөн чанартаа хоёр талын ашиг, харилцан тус дэм бололцох зорилго бүхий холбоо л байдаг. Хамгийн өө сэвгүй үерхэл гэдэг нь бид ямар нэгэн юм хожиж байх хэлцлээс өөр юу ч биш.

*        *        *

Найз нөхдийн тус дэм хэрэг болоод байгааг хэлэхээс өмнө таамаглаж мэддэг хүн л жинхэнэ анд нөхөр.

*        *        *

Жинхэнэ нөхөр бол жаргалтай үед урилга заллагаар, зовлон тохиолдоход хэлүүлж дуудуулалгүй ирдэг байх учиртай.

*        *        *

Зуун ухаалаг дайсан дайсагнасандаа тарихгүй гайг ганц ухаан муутай нөхөр саймширсандаа тарьчихдаг.

*        *        *

Амьдралынхаа замд шинээр хүмүүстэй танилцаж явахгүй бол тун мөдхөн ганцаархнаа хоцорно шүү!

*        *        *

Зовоход найз нөхөд танигддаг гэлцэх юм. Миний бодлоор жаргахад ч бас танигддаг.

*        *        *

Хэдийгээр үүнийг хэн нь ч хүлээн зөвшөөрдөггүй боловч хоёр найзын нэг нь ямагт нөгөөгийнхөө боол байдаг.

*        *        *

Хамгийн өөдгүй дайсан улаан нүүрэн дээр чинь хэлж чадах үг хамгийн сайн нөхдийн чинь нүднээс далд ярьдгийн дэргэд бол юу ч биш.

*        *        *

Нөхрөө ганцаар байхад нь зэмлэ, олны дунд ямагт магт.

*        *        *

Муу хүмүүс нэгдэж дотносно гэдэг нөхөрлөл биш хуйвалдаан. Тэд бие биеэ хайрладаггүй, харин ч бие биеэсээ жийрхдэг. Тэд найз нөхөд биш, үгсэгчид.

*        *        *

Найз нөхөр гэж бодож явсан хүнийхээ нүүр буруулахыг үзэхээс илүү гашуун гар хохирол гэж үгүй.

*        *        *

Дайсангүй байна гэдэг өчүүхний шинж. Түүгээр бахархах хэрэггүй.

*        *        *

Хичнээн боолтой байна, төчнөөн дайсантай.

*        *        *

Урьдын найз нөхөр шиг хорт муу дайсан үгүй. Өөрийн гэмийг цайруулахын тулд тэрээр нөхрийнхөө гэгээтэй бүхнийг харлуулж явдаг.