2010-08-30
Дайснуудаасаа битгий ай...

Ариун сурталт хүн хэн бүхэнтэй зохицож амьдардаг. Дорд хүн л харин өөртөө тохирох хүмүүсийг хайдаг.

Күнз

*        *        *

Хүн бол ариун чагаа тэнгэр ч биш, адгуус араатан ч биш. Гэхдээ чагаа тэнгэр байхыг хүсээд эхлэхээрээ л адгуус араатан болон хувирдагт зовлон нь байгаа юм.

Блез Паскаль

*        *        *

Төгс төгөлдрөөс бүү ай. Та түүнд хүрэхгүй. Тэгээд ч төгс төгөлдөр зүйлд ямар ч сайн юм байхгүй.

Сальвадор Дали

*        *        *

Өөрийн ч, бусдын ч үгэнд бүү итгэ. Өөрийнхөө болоод бусдын үйл хэрэгт л итгэ.

Лев Толстой

*        *        *

Хэн ч түүнд атаархдаггүй бол, түүний амьдралд атаархмаар юм үгүй гэсэн үг.

Эсхил

*        *        *

Хүн өөрийгөө хэрхэн үнэлж цэгнэнэ, түүний үнэ яг тийм байдаг.

Франсуа Рабле

*        *        *

Хүн төрсөн ч байг, үхсэн ч байг, хөрөнгө мөнгө, гэр орон, эдлэн эзэмшлээ алдсан ч байг халаглаж өрөвдөх зүйл биш. Энэ бүхэн хүний юм бус. Харин хүнлэг эрхэм чанараа гээвэл тун хайран. Жинхэнэ өмчөө алдаж буй нь тэр.

Эпиктет

*        *        *

Хэн нэгний оюун ухаан өөрсдийнхөөс маань өөр үзлээр цэнэглэгдсэн л бол бид түүнийг аюултай хүнд тооцдог. Зан суртахуун нь биднийхтэй төстэй биш бол ёс суртахуунгүй гэдэг. Төсөөллийг маань хүлээн аваагүй хүмүүсийг бид өөр ямар төсөөлөлтэй байгааг нь асууж ч үзэлгүйгээр гажиг солиотойд тоолдог.

Анатоль Франс

*        *        *

Гүйж яваа хүн л унадаг. Мөлхөж байгаа хүн унадаггүй.

Плиний

*        *        *

Хүн бүхний өмнө тодорхой зорилго байдаг. Түүнд тэмүүлэх явцдаа нэгийг сонгон авч, нөгөөгөөс нь зугтдаг.

Аристотель

*        *        *

Хүсэл дууссан газар хүн өөрөө дуусдаг.

Людвиг Фейербах

*        *        *

Аугаа их ухаантнууд л өмнөө зорилго тавьдаг. Бусад нь хүслээ л дагаж явдаг.

Вашингтон Ирвинг

*        *        *

Хөрөнгө зоорийг зорилго гэж үзсэнээрээ хүмүүс төөрч, хүч зарсан бүхий л ажил нь талаар өнгөрдөг. Ямар нэг үр дүн гарлаа ч тэр нь зүтгэж зорьсных нь эсрэг зүйл болон хувирсан байдаг.

Гёте

*        *        *

Дээд зэргийн бардам, дээд зэргийн ноомой байх аль аль нь л өөрийгөө дээд зэргээр мэдэхгүй байгаагийнх.

Спиноза

*        *        *

Ухаантай хүн ужид хүсэлтэйгээ тэмцэж, тэнэг хүн боол нь болдог.

Эпиктет

*        *        *

Дайснуудаасаа битгий ай. Муу юм боллоо гэхэд тэд чамайг ална л биз. Найз нөхдөөсөө бүү ай. Муугаар бодоход тэд чамаас урвана л биз. Хэн нь ч мэдэгдэхгүй хүмүүсээс л айж яв. Тэд алахгүй, урвахгүй. Гэхдээ тэдний чимээгүй зөвшөөрч хүлцсэний улмаас л энэ дэлхий дээр урвалт, аллага оршиж байгаа юм.

Бруно Ясенски

*        *        *

Бусармаг явдлыг хараад дуугүй байна гэдэг та түүнд оролцож байна гэсэн үг.

Жан-Жак Руссо

*        *        *

Ухаантай хүн өөр рүү нь довтолж буй хүмүүсийн талд ямагт зогсдог. Тэдний үг ярианаас өөрийнхөө сул талуудыг олж харах нь илүү чухал байдгаас тэр.

Ральф Эмерсон

*        *        *

Өөдгүй новшнууд, мөлжин дарангуйлагч, дээрэмчин тонуулчдын засаглалд үнэн хэзээд аюултай. Яагаад үнэнийг хааж боогдуулаад байдгийн учир ердөө л энэ юм шүү дээ.

Южин Деббс

*        *        *

Дуугүй байх нь заримдаа хамгийн хатуу шүүмжлэл болдог.

Чарльз Бакстон

*        *        *

Алсын хараагүй хүмүүс өөрийнх нь мэдлэгийн хүрээнээс хэтэрч гарсан бүхнийг шүүмжлэн буруушаадаг.

Ларошфуко

*        *        *

Хов жив бол атаархлын зэвсэг мөн.

Софья Сегюр

*        *        *

Өчүүхэн хүмүүсийг хов дайрдаггүй.

Бальзак

*        *        *

Хов цуурхалд өгөх хамгийн сайн хариу бол түүнийг үл ойшоон дуугүй байх явдал юм.

Иоханн Энгель

*        *        *

Залуу явахад бидний алдаа ашигтай. Харин түүнийг өтөл нас руугаа чирэн очиж л болохгүй.

Гёте

*        *        *

Ганцаардлыг тэвчиж чаддаггүйгээс л бидний бүх гай зовлон үүддэг. Эндээс л хөзөр, гоёмсог чамин эд зүйл, архи дарс, хөнгөмсөг зан, хүүхэн шуухан, бүдүүлэг авир, хорон үг, атаа жөтөө, сэтгэл зүрхээ хараан зүхэх, бурхныг магтах зэрэг бүхий л хилэнц нүгэл гарч байгаа юм.

Жан дө Лабрюйер

*        *        *

Ганцаараа байхдаа ч гэсэн ямар нэгэн муу зүйлийг бүү ярь, бүү хий. Бусдаас биш өөрөөсөө ичиж сур.

Демокрит

*        *        *

Хамгийн эрхэм дээд гавьяа гэж хүмүүс олон гэрчийн нүдэн дээр л хийж зүрхэлдэг зүйлийг ганцаархнаа байхдаа бүтээхийг хэлнэ.

Ларошфуко

*        *        *

Хүн бар алахыг хүсвэл түүнээ спорт гэж нэрлэдэг. Бар өөрийг нь барих гэвэл махчин араатан гэнэ. Гэмт хэрэг, хууль ёс хоёрын хоорондын ялгаа үүнээс илүү гараад байх юмгүй.

Бернард Шоу

*        *        *

Эр зоригийн дараа орох сайхан зүйл бол айж байгаагаа хүлээн зөвшөөрөх.

Клод Гельвеций

*        *        *

Хэрэв бүх буруу нэг л талд байсан сан бол хэрүүл ийм удаан үргэлжлэхгүй сэн.

Ларошфуко

Бичсэн: Боролзой | цаг: 14:43 | Үнэн үгс
Холбоос | email -ээр явуулах | Сэтгэгдэл(1)
Сэтгэгдэл:


daisnaasaa buu ai
гоё шүү
Бичсэн: oyungerel (зочин) цаг: 21:08, 2010-08-31 | Холбоос | |


Сэтгэгдэл бичих



:-)
 
xaax