Tuesday 3 August 2010
Тэнхим, тэнхэм, тинхим - Аль нь зөв бэ?

 

Дээрх үгийг гурван өөр хэлбэрээр бичсэн байх нь бий. Тухайлбал, МУБИС-ийн багш нарын өрөөний хаягт тэнхэм гэж бичсэн нь харагддаг. Олонх нь тэнхим хэмээн бичнэ, ховор боловч тинхим гэж бас тааралдана. Тэгэхээр энэ гурван хэлбэрийн чухам аль нь зөв бэ?

          “Монгол хэлний дэлгэрэнгүй тайлбар толь”-д “хурал чуулган хийх болон зочин гийчнийг дайлах, хичээллэх том тасалгаа”, “их дээд сургуулийн салбар шинжлэх ухаанаар мэргэшүүлэх хэсэг” гэх мэтийг “тэнхим” хэмээн бичнэ гэжээ. Ц.Дамдинсүрэн, Б.Осор нарын “Монгол үсгийн дүрмийн толь”, Чой.Лувсанжавын “Монгол бичгийн хадмал толь” аль алинд нь “тэнхим” хэмээн бичжээ.

Харин Я.Цэвэлийн “Монгол хэлний товч тайлбар толь”-д “танхим” гэж байхаас “тэнхим” хэмээх үгийг тайлбарлаагүй байна. Монгол бичгээр энэхүү үгийг “тингхим” хэмээн бичих бөгөөд хуучин бичгийн уламжлалыг даган бичигсэд “тинхим” хэмээн бичдэг нь үүнээс улбаатай. Тэнхэм хэмээн бичиж байгаа нь тун ойлгомжгүй агаад монгол бичгийн уламжлалаа дагалаа гэхэд “тинхим” гэж бичихээс “тэнхэм” хэмээн бичих учиргүй баймаар. Багш нар суудаг өрөөг нь “тэнхим”, сурагчдын хичээлийн өрөөг “танхим” гэж бичдэг билээ.

 

Бичсэн: Боролзой | цаг: 12:17 | Бүх нийтийн бичиг үсгийн боловсролд
Холбоос | email -ээр явуулах | Сэтгэгдэл(1)
Сэтгэгдэл:


Энэ хэл шинжлэлийг заавал хэл шинжлэлийнхэн гэлтгүй Монгол хүн бүр, тэр тусмаа эрдэм номын мөр хөөж байгаа бидэн шиг улс заавал судлах хэрэгтэй юм билээ. Нэг л их мундаг эрдэмтэн хүмүүс, алдаатай бичих нь энүүхэнд. Хэрэгтэй мэдээллээ танай блогоос мэдэж авлаа, баярлалаа.
...Гитлерийн бичсэн цорын ганц ном шүү дээ...
Бичсэн: Эрка (зочин) цаг: 19:39, Thursday 27 October 2011 | Холбоос | |


Сэтгэгдэл бичих
idiomatic-dormant