Wednesday 28 July 2010
"Эрвээхий" биш "эрвээхэй"

 

Олон жилийн турш бид нэгэн үгийг хоёр янзаар бичиж, дуудсаар иржээ. Энэ бол “эрвээхий” болон “эрвээхэй” гэсэн үгс юм. Мэдээж зөв бичгийн дүрмийн дагуу аль нэг нь зөв байх учиртай. Зөв бичгийн болон бусад толиуд дээр хэрхэн бичсэнийг нь үзье.

ШУА-ийн Хэл зохиолын хүрээлэнгээс хамгийн сүүлд хэвлүүлсэн “Монгол хэлний дэлгэрэнгүй тайлбар толь” (2008)-д “хос хоёр далавчтай, цэцгийн шимийг идэж амьдардаг, янз бүрийн өнгө бүхий нэг төрлийн шавж” хэмээн тайлбарлаад “эрвээхэй” гэсэн хэлбэрээр бичнэ гэжээ. Мөн “эрвээхэй” гэдэг “өмхий хатиг гэдэг нэгэн зүйл яр өвчин” байдаг ажээ.

Харин энэ толиноос бусад толиуд болох Я.Цэвэлийн “Монгол хэлний товч тайлбар толь” (1966), Ц.Дамдинсүрэн, Б.Осор нарын “Монгол үсгийн дүрмийн толь” (1983), Чой.Лувсанжав нарын “Монгол бичгийн хадмал толь” (1992) гээд бүгдэд нь “эрвээхий” хэмээсэн байна.

Энэ үгийг монгол бичгээр “эрбэхэй” гэж бичих бөгөөд ШУА-ийн “Монгол хэлний дэлгэрэнгүй тайлбар толь”-д энэ уламжлалаа даган “эрвээхэй” хэмээн бичихээр журамлаж өгчээ.

 

Бичсэн: Боролзой | цаг: 16:32 | Бүх нийтийн бичиг үсгийн боловсролд
Холбоос | email -ээр явуулах | Сэтгэгдэл(2)
Сэтгэгдэл:


та том андуурч байна
https://ehhelbichig.wordpress.com/2011/11/19/%D0%BA%D0%B8%D1%80%D0%B8%D0%BB-%D0%B1%D0%B8%D1%87%D0%B3%D0%B8%D0%B9%D0%BD-%D0%B1%D0%B8%D1%87%D0%BB%D1%8D%D0%B3%D0%B8%D0%B9%D0%BD-%D1%81%D1%82%D0%B0%D0%BD%D0%B4%D0%B0%D1%80%D1%82-%D1%82%D0%BE%D0%B3/

гэдэг юм байна
ёстой балай юм
эрвээхий эрвээхий цэцгэн дээрээ суугаарай гэж дуулах юм байна
Бичсэн: Зочин цаг: 08:38, Wednesday 13 May 2015 | Холбоос | |


Би уг нь танаас дээр нэг үгийг яаж бичих талаар асуусандаа та хариулж өгөөч...Хүчдэлийн үү? Хүчдлийн үү? би бол хувьдаа дандаа эхнийхээр нь бичдэг...Аль нь зөв бэ? Манай мэргэжлийн хичээлийн номнууд дээр голцуу л хүчдлийн гэсэн байналээ...
Бичсэн: Зоригт ван цаг: 16:55, Wednesday 28 July 2010 | Холбоос | |


Сэтгэгдэл бичих
idiomatic-dormant